Возачот на Ферари, Карлос Саинц е победник на трката за Големата награда на Австралија, која утрово се одржа во Мелбурн.
Саинц на патеката Алберт Парк ја постигна третата победа во кариерата, а ја постигна со време од 1:20:26.843.
Тој се врати на патеката во Мелбурн откако пред две недели беше опериран против воспаление на слепото црево.
Второто место го зазеде неговиот тимски колега Шарл Леклер (+2,3669, кој исто така освои дополнителен поен за најбрз круг на трката, а трет Ландо Норис од Мекларен (+5,904).
Возачот на Мекларен Оскар Пјастри го освои четвртото место, Серхио Перез од Ред Бул беше петти, а возачите на Астон Мартин Фернандо Алонсо и Ленс Строл беа шести и седми.
Возачот на РБ тимот Јуки Цунода беше осми, а бодови освоија и возачите на Хаса Нико Хулкенберг и Кевин Магнусен.
Тројниот светски шампион Макс Верстапен, кој стартуваше од пол-позицијата, мораше да се повлече откако во третиот круг му се запалија сопирачките.
Тоа беше негово прво повлекување по две години и трка на истата патека.
По првите три трки во шампионатот, Верстапен има 51 бод,
Леклер е на второто место со 47, а Перез е само бод помалку на третото место.
Четвртата трка од шампионатот се вози на 7 април за Големата награда на Јапонија.
