Според податоците на Централна банка на Албанија, во периодот јануари-септември директните странски инвестиции бележат раст за 10 отсто, споредено со истиот период минатата година.
-Во овој период во албанската економија влегле 1,088 милијарди евра. Ова е највисокото ниво забележано по 2014 година. Од сите главни партнери на Албанија забележан е раст на странските инвестиции. На врвот во класификацијата, е Холандија поради компанијата „Шел“ и проектот за откривање нафта во планината Шпирага, објави Ора њуз.
По Холандија следува Италија со 151 милион евра, трета е Турција по што следуваат Австрија и Косово, кои во последните две години значително ги зголемиле инвестициите во Албанија.
-Рекордна вредност е вложена во недвижен имот од странци, односно 222 милиони евра за купување станови, каде силен скок е забележан во екот на туристичката сезона, по што следуваат финансиските и осигурителните дејности каде што влегуваат банки или осигурителни компании, проектите во електрична енергија, гас и вода. Во информатичко-комуникацискиот сектор вложени се 50 милиони евра, наведува телевизијата.
Но, констатира, дека и покрај рекордниот раст на странските инвестиции во вредност, нивната тежина во односот на БДП е намалена.
