Зимата е време од годината кога на телото му треба и подобра исхрана и дополнителна топлина за да го преживее студот. Според Ајурведата, започнување на денот со мало парче сирова куркума го зајакнува имунитетот, го подобрува метаболизмот, го намалува воспалението и помага во целокупната телесна благосостојба. Ако го внесете овој совет во вашата дневна рутина, многу брзо ќе ги почувствувате корисните придобивки. Точно, зимата нема да исчезне, но полесно ќе ги пребродите деновите кои ви претстојат.
Куркумата е зачин од семејството ѓумбири и се смета за еден од најдобрите и најлековитите зачини и додатоци во исхраната. Ова растение најмногу расте во Индија и Југоисточна Азија, на температури помеѓу 20 и 30 степени; за да напредува потребни се обилни врнежи. Бројни студии покажале дека има корисен ефект и на телото и на мозокот.
Антивоспалителни својства
Куркумата е позната по своите моќни антиинфламаторни својства поради присуството на куркумин. Хроничното воспаление е поврзано со различни здравствени проблеми, а куркумата може да помогне да се намали воспалението.
Здравје на дигестивниот систем
Куркумата го стимулира производството на дигестивни ензими, кои можат да го подобрат процесот на варење. Се верува дека го стимулира движењето на дебелото црево и го ублажува запекот.
Детоксикација
Се смета дека куркумата има големо влијание врз детоксикацијата на црниот дроб. Чистењето или детоксикацијата на црниот дроб е процес за кој се тврди дека ги отстранува токсините од телото, помага во напорите за слабеење и го подобрува целокупното здравје. Црниот дроб е еден од најголемите органи во телото, кој помага да се отстрани отпадот и да се обработат разни хранливи материи и лекови. Сепак, треба да се напомене дека чистењето или детоксикацијата на црниот дроб не може да направи премногу за организмот.
Го зајакнува имунитетот
Куркумата е позната по своите имуномодулаторни својства, што значи дека може да помогне во регулирањето и поддршката на имунолошкиот систем.
Исто така, освен во сурова состојба куркумата може да се користи и на многу други начини, на пр. како зачин во разни јадења, а има и еден рецепт кој се смета за чудесен еликсир.
Златна куркума
Потребно е:
1 чаша топла вода
четвртина лажичка куркума
сок од половина лимон
прстофат цимет
1/8 лажичка мед
една лажичка кокосово масло
