Десетици илјади Палестинци во Газа страдаат од болести бидејќи цивилите го губат пристапот до чиста вода и соодветно отстранување на отпадот, соопшти Светската здравствена организација.
„Има повеќе од 72.000 случаи на акутни респираторни инфекции, 44.000 случаи на дијареа, 808 случаи на варичела и близу 14.200 кожни болести, шуга и вошки“, рече д-р Ричард Пиперкорн, претставник на СЗО за окупираната територија на Палестина.
Обединетите нации претходно денеска соопштија дека нивните системи за третман на вода и управување со отпад се целосно исклучени бидејќи останале без гориво. Израел постави ограничувања на горивото што го дозволува да влезе во Газа, соопштија ОН, ограничувајќи ја неговата употреба исклучиво за камиони што превезуваат помош.
Зајакнувањето на персоналот за медицинска помош и пристапот до медицинска нега е еден столб на одговорот на помошта, додаде Пиперкорн.
„Вториот столб е она што веќе беше дискутирано, предизвиците на јавното здравје, превенцијата на болести и што правиме како одговор на појавата“, рече Пиперкорн. „Се треба да биде поткрепено со третиот столб, а тоа е се што е поврзано со набавките и здравствената логистичка поддршка“.
