Поранешниот фудбалски шампион на Македонија, тимот на Шкупи по 12. коло ја презеде водечката позиција во прволигашката конкуренција, како ко-лидер со тетовска Шкендија со која имаат еднаков број на бодови, но подобра гол-разлика. Чаирчани со триумфот во градското дерби против Работнички (3:0) се новите лидери, откако актуелниот шампион Струга Трим Лум направи кикс на гостувањето во Гостивар, а Шкендија пред своите навивачи одигра само нерешено.
За седма сезонса кобеда во Чаир се погрижија двојниот стрелец Куевен во 39 и 74 минута и Кука кој погоди во 52 минута од средбата.
На Градскиот стадион во Тетово екипите на Шкендија и Воска Спорт ремизираа со резултат 1:1. Водеа гостите од 47 минута со голот на Бајрами, а бод за домаќините донесе Шала во 74 минута.
Гостивар дома го совлада актуелниот шампион Струга со 2:1. Кехинде во 36 и Потук во 44 минута беа стрелци за Гостивар, а на спротивната страна стрелаше Компаоре (59`).
Македонија ЃП од 33 минута со погодокот на Попзлатанов водеше со 1:0 против Тиквеш кој успеа да го избегне поразот во 90 минута преку Ивановски.
Вардар дојде до нов триумф во шампионатот откако славеше против Брера (1:0), а бодовите ги обезбеди Омерагиќ во третата минута од натпреварот.
Резултати на натпреварите од 12. коло во ПМФЛ одиграни попладнево:
Гостивар – Струга ТЛ 2:1
Македонија ЃП – Тиквеш 1:1
Шкендија – Воска Спорт 1:1
Шкупи – Работнички 3:0
Вардар АП Брера Струмица 1:0
Табела: Шкупи 25 бода, Шкендија 25, Струга ТЛ 21, Силекс 20, АП Брера 15, Тиквеш 15, Брегалница 14, Гостивар 14, Работнички 13, Македонија ЃП 12, Воска Спорт 12, Вардар 11.
