Кошаркарите на Мемфис на домашен терен го победија ЛА Лејкерс со 103:93, израмнувајќи го резултатот на 1-1 во првото коло од плејофот за Западната конференција.
Мемфис не беше во удобна ситуација на стартот на вториот натпревар. Тој имаше пораз на првиот домашен тест, а во вториот меч поради повреда на раката не можеше да смета на Џа Морант, неговиот најдобар играч.
Но, Мемфис поведе уште од почетокот на мечот и не го испушти до крајот. По првата четвртина домашните имаа водство од 30:19, а во третиот период имаше 20 поени разлика за Мемфис.
Гостите од Лос Анџелес успеаја да се заканат во последната четвртина, го намалија резултатот на -6, но не стигнаа подалеку од тоа.
Сите играчи на стартната петорка на Мемфис постигнаа двоцифрен број на поени. Најдобри беа Ксавиер Тилман со 22 поени и 13 скока и Џерен Џексон Јуниор. кој постигна 18 со девет скока. Тајус Џонс додаде 10 поени со осум асистенции и шест скока.
Кај ЛА Лејкерс Леброн Џејмс постигна 28 поени и фати 12 топки.
Кошаркарите на Милвоки беа убедливи и офанзивно инспирирани, пред своите гледачи го совладаа Мајами со 138:122 и со тоа изедначија во серијата на 1:1 во Источната конференција.
Милвоки го загуби првиот домашен натпревар, а на вториот играше без својот најдобар играч, Јанис Антетокунмпо, кој го повреди грбот на првиот тренинг. Но, тоа ни малку не им пречеше на тамошните играчи и убедливо ја остварија првата победа во плеј-офот.
Се беше решено по првото полувреме кога Милвоки имаше предност од дури 81:55. Во првото полувреме домашните шутираа 60 отсто од поле и дури 57 отсто за тројки. Во првите 24 минути Холидеј (21) и Лопез (19) постигнаа вкупно 40 поени.
Во последниот дел Милвоки целосно се опушти, па гостите од Флорида ја направија убедливата негатива прифатлива до крајот.
За Милвоки Џру Холидеј постигна 24 поени со 11 асистенции и пет скока. Боби Портис постигна 13 поени, 15 скока и пет асистенции, а Брук Лопез постигна 25 поени.
Прв стрелец на Мајами Хит беше Џими Батлер со 25 поени, додека Бам Адебајо додаде 18 со пет скока.
Кошаркарите на Денвер поведоа со 2:0 против Минесота, по нова победа на домашен терен 122:113.
Патот до втората победа, односно половина од вкупната работа, затоа што тимот што прв оствари четири победи минува, Денвер делумно го трасираше патот веќе во првата четвртина. Воведните 12 минути завршија со 31:22 Нагетс, а разликата продолжи да расте во текот на натпреварот.
На полувремето Денвер водеше со 64:49, но Минесота ја избриша целата негатива во третиот период кога поведе. Но, Мареј и Јокиќ повторно го предводеа Денвер во последната четвртина за второто славје во серијата.
Џамал Мареј постигна 40 поени со пет асистенции, а Никола Јокиќ постигна 27 поени и имаше по девет скока и асистенции. Ентони Едвардс имаше одлична вечер на другата страна постигнувајќи 41 поен, но и тоа беше премалку за Минесота да победи. Карл Ентони-Таунс додаде само 10 со 12 скока.
