Преземено од Градска.мк
Поранешниот инженер на Гугл, Реј Курцвејл, изјави дека луѓето ќе постигнат бесмртност за осум години – и 86 проценти од неговите 147 предвидувања досега се точни.
Реј Курцвејл, говорејќи на каналот Адаџо на Јутјуб, разговараше за проширувањето во генетиката, нанотехнологијата и роботиката, за кои верува дека ќе доведат до „наноботови“ кои ја менуваат возраста.
Според него, овие мали роботи ќе ги поправат оштетените клетки и ткива кои се влошуваат како што телото старее и ќе нè прават имуни на сериозни болести како ракот. Но, предвидувањата дека ваквото достигнување би можело да се случи до 2030 година наиде на возбуда и скептицизам, бидејќи лекот за сите смртоносни болести се уште изгледа далеку.
Курцвејл беше ангажиран од Гугл во 2012 година за да „работи на нови проекти кои вклучуваат машинско учење и обработка на јазици“, но тој почна да прави технолошки предвидувања многу пред тоа.
Во 1990 година, тој предвиде дека најдобриот светски шахист ќе загуби од компјутер до 2000 година, а тоа се случи во 1997 година кога Дип Блу го победи Гери Каспаров. Курцвејл направи уште едно изненадувачко предвидување во 1999 година: тој рече дека до 2023 година лаптоп од 1.000 долари ќе има компјутерска моќ и капацитет за складирање колку човечкиот мозок. Сега поранешниот инженер на Google верува дека технологијата ќе стане толку моќна што ќе им помогне на луѓето да живеат вечно, во она што е познато како сингуларност.
Курцвејл, автор кој се опишува себеси како футурист, предвиде дека технолошката сингуларност ќе се случи до 2045 година, со тоа што вештачката интелигенција ќе го помине моќниот „Туринг“ тест во 2029 година – тест за способноста на машината да покаже интелигентно однесување што е еквивалентно или не се разликува од онаа на човекот.
Во својот говор, Курцвејл рече дека машините веќе нè прават поинтелигентни, а нивното поврзување со нашиот неокортекс ќе им помогне на луѓето да размислуваат попаметно.
Спротивно на стравувањата на некои, според DailyMail, поранешниот инженер верува дека вградувањето компјутери во нашиот мозок ќе нè подобри.
„Ќе имаме повеќе неокортекс, ќе бидеме посмешни, ќе бидеме подобри во музиката. Ќе бидеме посекси“, се цитира тој како рекол.
Наместо визија за иднината каде машините ќе го преземат човештвото, Курцвејл верува дека ќе создадеме синтеза човек-машина што ќе нè направи подобри.
Концептот на наномашини кои се вметнуваат во човечкото тело е во научната фантастика со децении. Во филмот „Ѕвездени патеки“, малите молекуларни роботи наречени нанити беа користени за да помогнат во поправка на оштетените клетки во телото. Додека пред повеќе од десет години, Националната научна фондација на САД предвиде дека „телепатија подобрена преку мрежа“ – испраќање мисли преку Интернет – ќе биде практична до 2020-тите.
Така, процесот започна пред неколку векови, со едноставни уреди како очила и труби за уши кои драматично го подобрија животот на луѓето. Потоа дојдоа подобри машини како слушни помагала или потенцијално спасувачки уреди како пејсмејкери и апарати за дијализа. Додека во втората деценија на 21 век слушаме за можноста за одгледување на органи во лаборатории, генетска хирургија и др.
