МВП играчот во изминатиоте две сезони од насилната кошаркарска НБА-лига, српскиот интернационалец Никола Јокиќ ноќеска беше во елемент, па неговиот Денвер доживеа тежок пораз на гостувањето во Орегон од Портланд (135:110).
Портланд Трејл Блејзерс одигра беспрекорно второто полувреме во кое постигна 80 поени. Во третата четвртина екипата шутираше со 83% за два и 66% за три поени.
Тројца кошаркари на Портланд заедно постигнаа 81 поен: Лилард броеше до 31, Симонс до 29, а Грент со 21. На спротивната страна се истакна само Арон Гордон со 26 поени.
Интересен беше ефект на Никола Јокиќ кој на теренот помина 27 минути. За тоа време упати само четири шута, три од нив беа прецизни и постигна едвај девет поени. И покрај тоа беше блиску до трипл-дабл затоа што оствари и 9 скока и 9 асистенции.
Минатата година, Јокиќ имаше само еднаш едноцифрен ефект, против Портланд, кога постигна осум поени, но забележа 18 скока и 11 асистенции. Последен пат Јокиќ беше едноцифрен во сите три категории во 2020 година во балонот во Орландо, последниот натпревар пред плеј-офот, кога против Торонто одигра само 10 минути. Во нормални услови, тоа последен пат му се случи во март 2020 година, неколку дена пред паузата поради пандемијата, кога против Кливленд имаше осум поени, скока и асистенции.
Резултати:
Филаделфија Сиксерс – Индијана Пејсерс 120:106
Мајами Хит – Торонто Рапторс 90:98
Њујорк Никс – Орландо Меџик 115:102
Чикаго Булс – Бостон Селтикс 120:102
Хјустн Рокетс – Јуа Џез 114:108
Мемфис Гризлис – Бруклин Нетс 134:124
Минесота Тимбервулфс – Сан Антонио Спарс 106:115
