Трабзонспор тимот на македонскиот фудбалски репрезентативец Енис Барди доживеа убедлив пораз на гостувањето кај францускиот Монако во Лига Европа со 3:1. Турскиот тим речиси цел меч играше со играч помалку откако Гомез заработи црвен картон во 11-та минута. Веднаш потоа фудбалерот на домашниот тим Бен Једер стапи на сцена. Прво во 14-та погоди за 1:0, а потоа во финишот на првиот дел за 2:0. Дисаси во 55-та зголеми на 3:0, а почесниот погодок за Трабзон беше дело на Бакасеташ во 72 минута. Македонскиот репрезентативец Енис Барди во игра влезе во 82-та минута. Ференцварош и Монако имаат по 6 бодови, Трабзон и Црвена звезда по три. Во Белград, српскиот првак Црвена звезда со 4:1 против Ференцварош. Манчестер јунајтед, славеше со 3:2 на гостувањето кај Омонија на Кипар.„Црвените ѓаволи“ губеа со 1:0 по голот на Ансарифад во 34-та минута. Сепак, во вториот дел англискиот премиерлигаш направи резултатски пресврт. Рашфорд во 53-та и Марсиал десет минути подоцна погодија за 2:1. Во 84-та минута Рашфорд со својот втор гол на мечот најави победа на Јунајтед погодувајќи за 3:1, а во 83-та Панајоту ги постави конечнте 2:3. Реал Сосиедад го совлада Шериф (2:0), за максимални 9 бодови од три меча и лидерска позиција во групата. Втор е Јунајтед со 6, трет Шериф, а Омонија последна со три порази.