Макаби ја победи Црвена Ѕвезда со 3:2 во одличен меч со два пресврти и ќе има еден гол разлика за реваншот во Белград за една седмица.
Сега пеколот од Хаифа ќе се сели во Белград, а и реваншот на две екипи што имаат фанатични навивачи ќе биде возбудлив.
Влогот е настап во Лигата на шампионите, а многу блиску до настап во фазата по групи е Бенфика, која го победи Динамо Киев во Лоѓ со 2:0. Со головите на Жилберто и на Рамос во првото полувреме Орлите од Лисабон имаат огромна предност за реваншот на свој терен.
Многу подраматично би требало да биде во Белград на 23. август.
Вечерва Макаби поведе со 1:0 со голот на Пјеро во 18. минута, но Црвена Ѕвезда водеше по првото полувреме со 2:1 со головите на Пешиќ и на Канга во 27. и во 40. минута.
Во втгорото полувреме пак имаше пресврт, а го режираа домаќините со уште еден гол на Пјеро во 51. минута и на Шери десет минути подоцна
