Откако Даниел Крег ја напушти улогата на тајниот агент 007 по „Нема време за умирање“, во тек е потрага за негова замена.
Но, фановите треба да бидат трпеливи бидејќи на повидок нема никакво навестување за следниот актер кој ќе го портретира култниот шпион.
Процесот на кастинг го води долгогодишната продуцентка на „Бонд“, Барбара Броколи, која неодамна во интервју за „Вараети“ говореше за следната ера на серијалот.
Таа нагласи дека „ќе биде потребно извесно време“ не само да се најде нов актер 007, туку и да се одлучи за нова креативна насока за серијалот.
„Тоа е голема одлука“, рече Броколи за процесот на кастингот. „Не е само давање улога. Станува збор за целосно преиспитување за тоа каде одиме.“
„Вараети“ посочи дека Идрис Елба, Том Харди, Хенри Кавил и ѕвездата на „Еуфорија“ Џејкоб Елорди се разгледуваат како опција за следниот 007.
Посебно Елба беше миленик на фановите. Фановите со години шпекулираа дека тој на крајот би можел да биде првиот Афроамериканец Џејмс Бонд. Претходно оваа година Броколи го нарече Елба извонреден актер.
