Портпаролката на Белата куќа Џен Псаки изјави дека американскиот претседател Џо Бајден нема да испрати американски војници да се борат против Русија во Украина.
„Претседателот беше многу јасен кога рече дека нема да испрати војници во Украина да се борат против Русија“, изјави Псаки за новинарите.
„Нема да имаме војна меѓу Русија и американските војници“, рече таа.
Псаки ја отфрли идејата дека американските војници се користат за создавање зона на забранети летови над Украина поради руската инвазија на оваа источноевропска земја, велејќи дека тоа може да доведе до војна меѓу Соединетите Американски Држави и Русија.
За време на интервјуто за МСНБЦ, Псаки рече дека зоната на забранети летови ќе бара „имплементација од американската војска – тоа во суштина би значело дека американската војска ќе соборува авиони, руски авиони. „Тоа дефинитивно ќе ескалира, што потенцијално би нè одвело во воен конфликт со Русија. Тоа не е нешто што претседателот Џо Бајден сака да го направи“, рече таа.
