Душан Влаховиќ, се поизвесно е, наскоро ќе ја промени средината, но се уште не се знае чиј дрес ќе го носи наместо виолетовиот на Фиорентина. Иако пред два дена се чинеше дека Арсенал води во трката за српскиот голгетер, вестите од Шпанија говорат поинаку.
„Топџиите“ се подготвени да издвојат вртоглави 180 милиони евра за трансфер на Србинот, бидејќи Артета во него гледа идеална замена за Обамејанг .
Според информациите на угледниот шпански „Мундо депортиво“, сега „јорганџиите“ се заинтересирале за напаѓачот на „орлите“ од слични причини какви што има и Арсенал. Имено, Атлетико нема намера да ја продолжи соработката со Луис Суарез, а Диего Симеоне смета дека 21-годишниот Србин е идеалното решение за освежување во нападот на „јорганџиите“.
Атлетико и претходно покажуваше интерес за Влаховиќ, но тоа беше во период кога српскиот голгетер се уште не се етаблираше како најсмртоносниот топџија и рекордер во Серија А, па понудата на „јорганџиите“ беше далеку помала од онаа што Фиорентина требаше да ја плати.
