Откако владата ќе ги донесе потребните законски мерки, Холанѓаните осудени за злосторства извршени под дејство на алкохол, наскоро ќе имаат специјални пластични електронски рачни алки околу глуждовите, со помош на кои ќе се следи нивната навика за консумирање алкохол.
Холандското Министерство за правда објави дека со помош на електронска алка ќе се следи секој обид за консумирање алкохол меѓу сторителите со автоматско анализирање на составот на потта на лицето што ја носи.
Податоците од алката ќе бидат доставени до централниот сервер еднаш дневно, што ќе му даде на полицискиот службеник јасен увид во однесувањето на корисникот.
Објаснија дека таков систем за набљудување е подобар од оној кој во моментов е во сила, а тоа е тест на крв или урина што се изведува двапати неделно.
„Прекршителите се свесни за тоа дека уредот може да се користи за да утврдат во кое било време дали конзумирале алкохол, што истовремено ќе им помогне да го избегнат тоа“, рече вработениот во пробната канцеларија Тони Рубино.
Министерството за правда соопшти дека пилот-студијата открила дека за време на пробната акција 71% од сторителите не консумирале алкохол, иако им бил на располагање на некои.
