Милован Бојиќ, директор на Институтот за кардиоваскуларни заболувања „Дедиње“, набавил брзи тестови за коронавирусот „Биозек“ од компанијата „Систина“ во С. Македонија кои не се сигурни и кои лажно се претставени како произведени во Холандија – додека тие всушност се направени во Кина, открива истражувачката мрежа „Крик“.
Бојиќ ги донел тестовите од Северна Македонија од човек кој е под истрага за перење пари, изнуда и злосторничко здружување. Пред пристигнувањето на овие тестови во Институтот Дедиње, најмалку 80 лица се заразиле со коронавирусот и до ден денес никој не е одговорен за ширење на инфекцијата во оваа државна институција која се грижи за најтешките срцеви пациенти.
Набргу по избивањето на скандалот директорот Бојиќ соопштил дека ќе набави брзи тестови и дека ќе биде тестиран секој што влегува во болницата.
„Два дена подоцна институтот „Дедиње“ купил 300 тестови „Биозек“ од приватна компанија од Северна Македонија, за вкупна цена од 3.000 евра, може да се види во фактурата до која дошле новинарите на „Крик/ОЦЦРП“. Овие тестови се рекламираат низ целиот свет како произведени во Холандија, дека го откриваат вирусот, а „Дедиње“ ги купило за 3.000 евра.
Според „Крик“, тестовите биле набавени од приватната компанија „Систина Фармација“ во Скопје, која е дел од семејната компанија на еден од најбогатите северни македонски бизнисмени, Јордан Камчев, кој е под истрага за перење пари, изнуда и злосторничко здружување.
„Аџибадем Систина ги рекламираше брзите тестови на „Биозек“ на својата веб-страница, но на барање на Агенцијата за лекови и медицински помагала (МАЛМЕД), таа мораше да ја повлече таа реклама заради несоодветно рекламирање и без претходно одобрување од оваа институција“, им порачале на новинарите на ОЦЦРП.
Тестовите „Биозек“ пристигнаа во Институтот „Дедиње“ на 9 април. Бојиќ пред новинарите на КРИК изјавил дека тие биле користени како помош, а не како тестови што можат да го утврдат само присуството на вирусот и изјавил дека тестирањето е направено само во итни случаи, со цел да се спречат пациентите позитивни за овој вирус да доаѓаат во установата.
Тој исто така тврдел дека Институтот не платил за тестовите.
Тестовите првично беа произведени во Кина под името „Alltest“. Холандската компанија потоа ги купува од кинеската, ги спакува како бренд „Биозек“ и ги рекламира како свој производ, открија новинарите.
Холандската компанија им признала на известувачите на OCCRP дека тестовите се направени во Кина, а еден ден подоцна од својата веб-страница ги избришале лажните информации за потеклото на тестовите .
