Поранешниот тренер на Арсенал, Арсен Венгер зборуваше за судбината на Премиер лигата оваа сезона.
– Јирген заврши одлична работа, бидејќи Ливерпул веќе 30 години го чекаше овој трофеј. Постои огромна разлика во однос на Ливерпул со второпласираниот Манчестер сити. Тоа е огромен јаз од 25 бода. Без оглед на тоа што ќе одлучат во Англија, мислам дека Ливерпул е шампион за сите, рече Венгер.
Ливерпул е убедливо прв на табелата во Англиското фудбалско првенство и при продолжување на сезоната речиси сигурно по три децении ќе го освои шампионскиот трофеј.
