Европскиот производител на авиони „Ербас” во вториот квартал од годината забележа раст на профитот поради продажба на авионите „А320 нео”.
Приходите на „Ербас” се зголемени за 23 проценти и достигнаа 18,3 милијарди евра.
Нето профитот на „Ербас” во вториот квартал изнесува 1,16 милијарди евра што е зголемување за 213 милиони евра во споредба со истиот период од минатата година
Извршниот директор на „Ербас” Гијом Фори изјави дека компанијата планира до крајот на годината да испорача од 880 до 890 патнички и товарни авиони.
Конкурентот на „Ербас”, американскиот производител на авиони „Боинг” предвидува дека до крајот на годината ќе забележи раст од 15 проценти во споредба со 2018 година.
