Разрешена е тајната околу тоа зошто патата Франциск ја повлекува десната рака додека луѓето во долг ред чекаат за да се поклонат и да ја бакнат. Ватикан одговори дека папата не сакал да шири бактерии.
„Тоа е едноставно прашање за хигиена“, изјави пред новинарите портпаролот на Ватикан, Алесандро Гисоти.
Гисоти рече дека како многу луѓе, така и папата не сака да ги шири бактериите, на начин што луѓето еден по друг би му ја бакнувале раката.
Видеото од понеделникот стана вирално на социјалните мрежи и е емитувано во рамки на неколку хумористични емисии во САД.
