Граничната полиција во Орашје соопшти дека вчера запленила две лажни возачки дозволи од Македонија на излез од Босна и Херцеговина на граничниот премин во Орашје.
Тие биле откриени при преглед на автомобил марка бе-ем-ве, со македонски регистарски ознаки, управувано од Д.Л. (роден 1983 година), државјанин на Македонија.
По наредба на обвинител, поради постоење основи на сомнение за сторено кривично дело фалсификување на документ, државјанинот на Македонија бил уапсен и заедно со извештајот за сторено кривично дело тој ќе биде предаден на надлежните институции, соопшти граничната полиција на БиХ.
