Скопјанец вршел нелегален телефонски сообраќај преку посебна телекомуникациска опрема, информираше МВР.
Секторот за компјутерски криминал и дигитална форензика при МВР до Основното јавно обвинителство Скопје поднесе кривична пријава против С.Н.(28) од Скопје. Тој е осомничен за компјутерска измама.
Според МВР; На 08.11.2018 година, врз основа на судска наредба, Секторот за компјутерски криминал и дигитална форензика извршил претрес во домот на пријавениот. Притоа било утврдено постоење на активна SIMBOX телекомуникациска опрема, која била одземена.
Осомниениот ја набавил опремата и вршел нелегална терминација на телефонски сообраќај. На тој начин С.Н. се стекнал со противправна имотна корист од 1.343.401 денари за периодот од 03.08.2018 до 09.11.2018 година.