Груевски, Јанакиески и Јанкулоска утре на судење во новата зграда на Кривичен суд
Во предметот „Титаник“ Обвинети се 21 лице, меѓу кои и поранешниот врв на ВМРО-ДПМНЕ, Никола Груевски, Миле Јанакиески, Гордана Јанкулоска. За првпат на обвинителна клупа ќе седнат Илија Димовски, Мартин Протоѓер и Кирил Божиновски.
Експремиерот Никола Груевски заедно со уште 20 обвинети во случајот на СЈО „Титаник” утре први ќе влезат во зградата на новиот Кривичен суд кој свечено беше отворен вчера на Денот на правосудството. Планирано е случајот „Титаник” кој е закажан за утре и кој е еден од најголемите предмети на СЈО, да се суди во новата голема судница во просториите на новата зграда.
