Skip to main content
Спорт

13-годишната Зиди исплива второ најбрзо време во историјата

21/09/2026  21:40

Кинеското чудо од дете, 13-годишната Ју Зиди исплива денеска второ најбрзо време во историјата на 200 метри мешано, освојувајќи го златниот медал на Азиските игри во Токио.

Младата кинеска пливачка триумфираше со време од 2:06,10 минути, што е само 40 стотинки поспоро од светскиот рекорд на Канаѓанката Самер Мекинтош (2:05,70).

Зиди претходно освои злато во дисциплината 200 метри градно, а на Азиските игри ќе настапи и во дисциплината 400 метри мешано.

„Не сакам да бидам премногу самоуверена. Само ќе продолжам да работам напорно“, изјави Зиди по триумфот во олимпискиот базен во јапонската престолнина.