Филипинските власти потврдија дека децата нема да одат на училиште сè додека не стане достапна вакцината за коронавирус.
Сега се стравува дека на милиони ученици ќе им биде загрозен пристапот до образование.
Научниците ширум светот се обидуваат да добијат вакцина против коронавирус, но повеќето предупредуваат дека ќе бидат потребни најмалку една или две години за таа да стане достапна.
Во меѓувреме, Леонор Брионас, секретар на Министерството за образование, рече дека часовите на интернет ќе продолжат до крајот на август. Истовремено, се стравува дека најсиромашните деца, кои немаат интернет, нема да имаат пристап до образование.
Филипините започнаа со ублажување на карантинските мерки што постојат повеќе од два месеци, и покрај стотици нови случаи на дневна основа.
Додека земјата беше затворена, бројот на случаи се намали, но економијата беше тешко погодена и на милиони луѓе им беше потребна државна помош.
Ограничувањата за движење сè уште се во сила, што вклучува деца на кои не им е дозволено да излезат надвор, освен ако не одат по намирници, на пример.
Во Филипините во понеделникот имало 59 нови случаи, што довело до вкупно 22.474 случаи, а починале 1.011 лица.
