Екипите на МЗТ Скопје и Пелистер ги дознаа термините за декемвриските мечеви во АБА2 лигата, „балон“ турнир кој ќе се одигра во Сараево, БиХ. Натпреварите ќе се одиграат во период од 13 до 19 декември. За разлика од првите два турнири, на овој ќе се одиграат три кола.
Во рамки на 5. коло Пелистер игра против Широки на 13 декември во 18 часот, додека МЗТ Скопје ќе ги одмери силите со Хелиос на 14 декември во 15 часот. Во 6-тото коло Пелистер и Борац Бања Лука ќе играат на 15 декември со 21 часот, додека Спарс и МЗТ Скопје ќе се сретната на 16 декември во 21 часот. Во седмото, последно коло предвидено во овој „балон“ Пелистер ќе игра со Златибор на 18 декември во 12 часот, додека МЗТ Скопје за противник ќе го има Ловќен на 19 декември во 19 часот.
Тимот од Битола има една победа и три порази во досегашниот тек од сезоната, а аеродромци запишаа три триумфи и еден пораз.
