Сообраќајот на државните патишта се одвива непречено, по наместа влажни коловози. Поради појава на магла на патниот правец Тетово-Попова Шапка се бележи намалена видливост од 40 до 50 метри.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Од 15 ноември започна законската обврска за задолжително поседување зимска опрема во возилата, без оглед на моменталната временска состојба.
