Крилниот кошаркар на НБА тимот Бруклин нетс, Кевин Дурант, уште закрепнува од операцијата, но тоа не го спречува да одржува шутерски тренинзи, а на тренинзите носи дрес на еден од неговите идоли, Тони Кукоч.
Дурант можеби ќе ја пропушти целата НБА сезона, но сака на паркет да се врати што е можно побрзо, и веќе почна со полесни тренинзи и да работи на својот шут.
Пред четири години, додека беше во Париз, Дурант изјави дека секогаш му се воодушевувал на Дражен Петровиќ кој беше генијален поентер, и дека Европа има дадено уште еден голем играч кој му бил идол во детството на Дурант, а тоа е Кукоч, кој во НБА играше за Чикаго булс.
