Германски медицински техничар осуден за убиство на 85 пациенти

Медицинскиот техничар Нилс Хегел e осуден на доживотен затвор за убиство на 85 пациенти во судот во северозападна Германија.

Хегел им давал на пациентите премногу лекови затоа што уживал во тоа дека може да ги оживее.

Тој веќе отслужува казна доживотен затвор откако во 2015 година беше прогласен за виновен за убиство на два пациенти и два обиди за убиство.

Судењето на медицински техничар започна во октомври минатата година под сомнение дека е одговорен за смртта на уште 100 пациенти во две германски болници во кои работел од 1999 до 2002 година и од 2003 до 2005 година.