Во Скопје вечерва ќе светне новогодишната елка

Новогодишната елка што е поставена на Плоштадот Македонија во Скопје ќе светне во 19:30 часот.Со работа ќе почне и новогодишниот базар „Винтерленд 2020“, соопшти град Скопје.
Со овој чин од денеска и во Скопје ќе завладее атмосферата карактеристична за новогодишните и божиќните празници.
Во Скопје официјално ќе почне празничната атмосфера во пресрет на највеселиот ден во годината – Нова Година. Граѓаните ќе имаат можност да ја почувствуваат новогодишната магија и да уживаат во најразновидна забавна програма до најлудата ноќ.