На дуелот од квалификациите за Светското првенство помеѓу Албанија и Полска дојде до инцидент во кој инволвирани беа домашните навивачи на стадионот во Тирана.
Натпреварот на крајот заврши со триумф на Полјаците, минимално со 0:1, голот беше дело на Свидерски во 77 минута.
После тој погодок од трибините со шишиња и други предмети албанските навивачи ги гаѓаа полските репрезентативци кои го славеа голот.
Albania vs Poland is currently on pause
This might be the reason 😶
— VBET News (@VBETnews) October 12, 2021
Celebracja gola i polscy piłkarze obrzuceni czymś przez albańskich kiboli @RMF24pl #ALBPOL pic.twitter.com/AS6RVYHpNU
— Paweł Pawłowski (@PPawlowski1) October 12, 2021
Веднаш се тргнаа на страна Полјаците со цел да не дојде до посериозна повреда кај нив, а во меѓувреме главниот судија Турпин од Франција одлучи да го прекине мечот.
Играчите заминаа во соблекувалните, натпреварот беше во прекин скоро 30 минути, а подоцна истиот беше продолжен.
Ова беше многу важен меч и за двете селекции, на две кола до крајот на квалификациите, во групата „И“ води Англија со 20 бодови, два повеќе од Полска, третопласирана е Албанија со 15, следуваат Унгарија (11), Андора (шест) и Сан Марино без бодови.
