Турција мора да учествува во мировните преговори меѓу Азербејџан и Ерменија за спорот во Нагорно-Карабах, изјави денеска азербејџанскиот претседател, Илхам Алиев, додавајќи дека тој се уште не знае кога тие ќе почнат.
Азербејџанските и ерменските сили денеска повторно меѓусебно се обвинуваа за прекршување на примирјето, наведувајќи дека другата страна извршила нови напади во регионот Нагорно-Карабах и околните области.
-Турција е голема сила, што се виде кога учествуваше во смирувањето на тензиите во Сирија, Либија и другите меѓународни конфликти. Затоа, исто така, тие мора да учествуваат и во овој процес, рече Алиев, цитиран од британските медиуми.
Алиев додаде дека Турција е исто така дел од групата Минск.
-Тогаш, зошто тие не учествуваа во разговорите? Знам дека многу западни земји не сакаат да ја гледаат Турција на преговарачката маса, но зборот на Турција е голем и независен, рече азербејџанскиот претседател.
