Во Словенија во последните 24 часа се потврдени 14 нови случаи на коронавирус од направени 919 тестови. Не се регистрирани смртни случаи од Ковид-19, објави словенечката влада.
Ова е ист број на пациенти како претходниот ден, кога се регистрирани 14 случаи на 874 тестови и еден смртен случај.
Во моментов во Словенија на лекување се 21 пациент, што е за четири повеќе од претходниот ден, а тројца се на интензивна нега, соопшти Министерството за здравство.
Нови случаи во последните 24 часа се откриени во 13 различни општини.
Од почетокот на епидемијата во Словенија се потврдени 2.115 случаи на коронавирус, во моментов има 237 активни случаи, а 117 лица починале.
