Собраниската Комисија за прашања на изборите и именувањата денеска ќе спроведе Интервју на пријавените кандидати по Одлуката за објавување на јавен оглас за избор на член на Државната комисија за спречување на корупцијата. Станува збор за повторен оглас, откако Комисијата одлучи по спроведените интервјуа по првиот оглас да не предложи нов член на ДКСК.
На повторениот оглас пак се пријавени Владимир Клековски, Милка Муратовска и Марија Катралова Китанов.
По извршените интервјуа Комисијата треба да предложи кандидат за нов член на ДКСК до Собранието.
Собранието распиша оглас за нов член на ДКСК по оставката на Цвета Ристова.
