По наредба на Специјалното државно обвинителство (СДТ) на Црна Гора утрово е уапсен долгогодишниот агент на Агенцијата за национална безбедност (АНБ) и поранешен полицаец Душко Голубовиќ, дознава „Вијести“.
Во текот на денот тој во придружба на службеници на Специјалното полициско одделение (СПО) и адвокат ќе биде однесен на поголем број локации во Црна Гора, за да изврши претрес на неговиот имот.
Поради обемната работа, бидејќи на списокот има голем број имоти за кои се верува дека се во сопственост на семејството Голубовиќ, ќе се чека долго да биде доведен на распит во зградата на СДТ.
Службеници на Специјалната полиција ја блокираа зградата во Подгорица во која живее Голубовиќ.
Како што дознава „Вијести“, службеници на СПО се пред сите имоти во сопственост на Голубовиќ низ Црна Гора, од Подгорица, крајбрежјето, Жабљак…
