Пожарникарите и службите за спасување се обидоа да постигнат напредок против шумските пожари во кои загинаа 16 луѓе во областа на Лос Анџелес, бидејќи синоптичарите повторно предупредија на опасно време со враќање на силните ветрови од понеденик.
– Со следниот бран на ветрови. Сакам да бидам многу, многу јасен овде. Многу е важно заедницата да разбере дека овие ветровити доаѓаат во Лос Анџелес. Сакам да ве уверам дека градоначалникот Бас, шефот Мекдонел и јас сме обединети и фокусирани токму на тоа што треба да направиме за да го подготвиме градот за можните последици од силни ветрови што доаѓаат. Секој достапен пожарникар е ангажиран и ќе остане буден, порача пожарникарот Кристин Кроули.
Најмалку 16 лица се водат како исчезнати, а властите велат дека се очекува тој број да се зголеми во деновите што следат.
Канцеларијата за итни служби во Калифорнија соопшти дека 150.000 луѓе во округот Лос Анџелес се под наредба за евакуација, а повеќе од 700 луѓе се засолниле во девет засолништа.
Надзорникот на округот Лос Анџелес, Кетрин Баргер, рече дека испратила писмо до новоизбраниот претседател Доналд Трамп во кое го поканила да го посети градот и да ги види со свои очи последиците кои зад себе ги остави разорната охнена стихија.
