Skip to main content
Економија

Зголемени продажните цени на производителите на индустриски производи на домашниот и на странскиот пазар

11/08/2025  19:37

Продажните цени на производителите на индустриски производи на домашниот и на странскиот пазар во јуни годинава се зголемени за 0,3 отсто во споредба со претходниот месец, а за 5,3 отсто во однос на истиот месец лани.

Во јуни 2025 година, во однос на истиот месец од претходната година, продажните цени на производителите на индустриски производи во секторот Рударство и вадење на камен се намалени за 2,9  отсто, а се зголемени во секторот Преработувачка индустрија за 5,5, во секторот Снабдување со електрична енергија, гас, пареа и климатизација за 8,3  и во секторот Снабдување со вода; отстранување на вода, управување со отпад и дејности за санација на околината за 4,8 отсто.

Продажните цени на производителите на индустриски производи во јуни годинава, пак, на странските пазари се зголемени за 0,4 проценти во однос на претходниот месец, а за 5,3 отсто во споредба со јуни 2024 година.