Денеска (11.07.2025) околу 10.15 часот во СВР Скопје е пријавено пукање во близина на влезот на селото Батинци, скопско.
Според пријавата, едно лице употребило огнено оружје и пукало кон друго лице, кое се здобило со повреди. Повредениот бил префрлен во здравствена установа, каде му е укажана медицинска помош.
Полицијата изврши увид на местото на настанот, а работи на расветлување на случајот и идентификување на сторителот. Во тек е истрага за утврдување на мотивите и околностите под кои дошло до пукањето.
