Утрово 400 ученици од општинските основни училишта на територија на општина Гази Баба заминаа на училишен летен камп, кој се реализира во организација на Сојузот на училишен спорт на Гази Баба со субвенционирање од општината.
Во рамките на кампот, учениците ќе бидат дел од спортски, едукативни и забавни активности, а дополнително ќе имаат обука за основна пливачка техника.
Општина Гази Баба со реализација на оваа мерка успеа да донесе радост кај децата, а една од клучните цели која се постигнува е поголема социјализација на учениците.
На испраќањето на учениците, покрај родителите присуствуваше и градоначалникот Бобан Стефковски кој им посака среќен пат и добра забава на учениците.
Овој камп се релизира трета година по ред.
Општина Гази Баба се грижи за сите и никогаш не ги заборава децата.
