Пред нас се многу попријатни температури на воздухот, што значи како што претходно кажав, топлиот бран од Африка значително ќе ослабне, па така максималните дневни температури на воздухот до крајот на оваа недела ќе бидат многу попријатни и ќе се искачуваат во интервалот од 25 до 33/34 степени. Во Скопје и околината максималната дневна температура ќе се искачува до околу 32/ 33 степени.
Времето ќе биде сончево со мала до умерена локална облачност. Додека до среда (11 јуни) во попладневните часови ќе има услови за локален развој на нестабилност, проследена со краткотраен пороен дожд, грмежи и засилен ветер. Сепак, се работи за помала нестабилност, што значи дека засега нема опасност од ново големо невреме во нашата Македонија.
