Популарната пејачка Бијонсе и нејзиниот сопруг раперот Џеј Зи побегнаа од сè во петокот со семејно патување во њујоршкиот Источен Хемптонс.
38-годишната пејачка и актерка и 50-годишниот рап могул беа фотографирани додека излегуваат од нивниот приватен авион со најстарата ќерка Блу Ајви (8) и близнаците Руми и Сир (3).
И Бијонсе и Џеј беа внимателни да носат маски за да спречат ширење на новиот коронавирус околу семејството, иако другите членови на нивната придружба излегоа без маски.
Пејачката на хитот Drunk In Love на себе има удобни светло-сиви тренирки со текст на предната страна.
Луксузниот излет на раперот се случува набргу откако тој и Бијонсе беа тужени за користење на гласот на Ленор Антоанет Стајнс на почетокот на нивниот сингл Black Effect од заедничкиот албум Everything is Love.
Во тужбата, Стајнс тврди дека првично имала склучено договор за да пронајде танчери за видеото на песната. Таа тврди дека од неа било побарано да зборува за љубов за промотивно видео, но нејзиниот глас бил користен на почетокот на песната „Black Effect“ без нејзина дозвола и без соодветен хонорар.
