Главната состојка во салатата е морковот, кој е богат со бета-каротин, претходник на витаминот А. Овој витамин е познат по своите позитивни ефекти на кожата, како што се намалување на воспалението, борба против акни, намалување на хиперпигментацијата и забавување на процесот на стареење.
Покрај морковите, други здрави состојки како маслиновото масло и сокот од лимон додаваат хидратација и еластичност на кожата. Салатата може да се прилагоди по ваш вкус, овозможувајќи ви да уживате во свежата и хранлива комбинација.
Рецепт за ретинол салата
Состојки:
• 5 средни моркови
• 2 чешниња лук
• Маслиново масло
• Соја сос
• Сол и бибер
• Малку јаболков оцет
• Сок од половина лимон
• Малку сусам
Подготовка:
1. Исчистете ги морковите и исечкајте ги на вашиот начин.
2. Додадете го лукот што претходно сте го истолчиле.
3. Во садот додадете сок од лимон, маслиново масло, соја сос и малку јаболков оцет.
4. Измешајте ги сите состојки, па додадете сусам за финален вкус.
5. На крај, зачинете со сол и бибер по вкус, но внимавајте да не го пресолите бидејќи соја сосот е доста солен.
Оваа салата не само што е вкусна, туку е и здрав избор за вашето тело, и на кожата ќе ѝ даде младешки изглед благодарение на ретинолот од природните состојки.
