Жозе Мурињо предизвика уште еден инцидент во турскиот фудбал. Португалецот синоќа по поразот (1:2) на неговиот Фенербахче од Галатасарај во четвртфиналето на Купот на Турција го фати за нос тренерот на противничката екипа Окан Бурук.
Предводникот на Галатасарај падна на теренот и почна да се грчи од болки. По ова започна турканица помеѓу фудбалерите на двата тима.
Галатасарај се пласираше во полуфиналето на Купот на Турција и ќе се соочи со Коњаспор.
Во другото полуфинале Трабзонспор ќе игра со победникот од мечот Бешикташ – Гезтепе.
