Бијонсе ја канализира својата внатрешна Одри Хепберн додека му се придружува на Џеј Зи како нови лица на кампањата Tiffany & Co’s About Love на легендарната златарница и компанија за луксузен накит „Тифани“.
Пејачката (39) го пресликува познатиот лик на Одри, Холи Голајтли, во романтичната комедија од шеесеттите ,„Појадок кај Тифани“, облечена во црн фустан додека позира заедно со својот сопруг.
На фотографијата, Бијонсе го носи познатиот Tiffany Diamond (Тифани дијамант) од 128,54 карати, со што стана петта жена која го носела овој скапоцен камен, првпат прикажан во кампања.
Бијонсе и Џеј Зи се нови амбасадори на „Тифани“. Соработката со две од најголемите суперrѕвезди се случува во период кога компанијата – која слави 184 години постоење и совршенство на накит – се обидува да го освежи брендот.
Компанијата претрпе реконструкција во раководството и почна да експериментира со својот маркетинг пристап, и нов имиџ. Двојката се приклучи на растечката листа амбасадори на брендот која вклучува повеќе селебрити-личности.
