Полицијата од Берово поднесе кривична пријава против 63-годишниот Т.А. од Скопје поради сомнение дека извршил измама.
„Пријавениот лажно се претставил и преку социјална мрежа стапил во контакт со лице од Берово. Под изговор дека на неговата сметка ќе му бидат испратени пари, пријавениот од лицето побарал и добил податоци од банкарската сметка и лична карта, по што подигнал кредит од финансиско друштво на име на оштетениот“, велат од МВР.
