Одбојкарките на Србија предводени од Тијана Бошковиќ ја одбранија титулата европски шампион, откако во спектакуларна атмосфера во Анкара го совлада домаќинот Турција со 3-2 во сетови.
Петтиот сет беше исклучително драматичен. Во него Турчинките влегоа доминантно, а потоа следуваа неколку пресврти, а Србинките ја искористија втората меч топка за 15-13 и голем триумф.
Србинките го одбранија златото освоено пред две години во Азербејџан, а првата европска круна ја освоија во 2011 година. Избраничките на селекторот Зоран Терзиќ, турнирот го завршија без пораз, а за оваа генерација одбојкарки ова беше четврто големо финале на последните четири големи турнири, Олимписки игри 2016, Европско првенство 2017 и Светско првенство 2018 година.
Претходно во мечот за третото место, Италија ја победи Полска со 3-0 во сетови и ја освои бронзата.
