Никола Јокиќ продолжи со неверојатни партии и подвизи. Откако стана првиот играч во историјата на најсилната лига кој постигнал четири трипл-дабл во низа без да ја одигра последната четвртина, во победата на Денвер над Сакраменто на домашен терен од 132:123, тој го додаде својот петти последователен трипл-дабл, исто така историски.
Јокиќ за 37 и пол минути на теренот постигна 35 поени (12/19 од поле), имаше 22 скока и 17 асистенции, како и две блокади и една загубена или една украдена топка.
Српскиот центар го забележа 168. во кариерата (150. и во регуларниот дел + 18 во плеј-офот).
Тој стана вториот играч во историјата на НБА, по Вилт Чембрлен, кој одиграл натпревар со учинок од 35/20/15 во најважните категории.
Јокиќ особено импресионираше во натпреварот за аналите на НБА со потегот на крајот од третата четвртина. Ја фати топката во близина на својот кош, а потоа во стил на бек на американски фудбал со едната рака ја фрли топката кон противничкиот кош.
Топката влезе во мрежата со со звукот на сирената. Поточно, таа помина три четвртини од теренот. Експертите за статистика пресметаа дека ова е шестиот најдолг шут во историјата на НБА.
Во моментот кога топката влезе во кошот, сследуваше бурна реакција од околу 18.000 луѓе, а коментаторите паднаа во транс.
„Постигна кош директно од Сомбор“, викаше еден од нив.
OH MY JOKIĆ JOKIĆ JOKIĆ 😱😱😱
HITS A NONCHALANT HEAVE FROM 3/4 COURT!! pic.twitter.com/6nn3f6kU4c
— NBA (@NBA) January 24, 2025
