Јагодина е во состојба на тревога по вооружен напад во кафеаната „Круг“ во населбата Стрелиште, каде што синоќа беше убиен сопственикот Дејан Михајловиќ (56), а уште едно лице, Саша Милосављевиќ (47), беше повредено.
Според извори на српскиот весник „Блиц“, напаѓачот е познат на полицијата по неговото дебело криминално досие, кое вклучува пресуди за обид за убиство, семејно насилство и недозволено носење оружје.
Минатата недела во истата кафеана избувнала тепачка, а синоќа конфликтот кулминирал со пукање. Напаѓачот отворил оган врз сопственикот и гостите, по што побегнал од местото на настанот.
Опсадна состојба на руските гробишта
Во моментов полицијата ги претресува руските гробишта во Јагодина, каде што според неофицијални информации се слушаат истрели. На терен се испратени голем број полициски возила, а ситуацијата е напната.
Според претходни информации, се сомнева дека напаѓачот побегнал кон објект на специјалната антитерористичка единица (САЈ). И покрај напорите на лекарите, Михајловиќ им подлегна на повредите.
Полицијата продолжува со интензивна потрага по напаѓачот, додека јавноста е во исчекување на нови информации.
