Ако постојано се борите со главоболки и замор, а не сте чувствителни на промени на времето, можеби проблемот се крие во вашите пијалоци. Главоболката може да биде резултат на стрес, исхрана, дехидрација или алергии, но и одредени пијалоци може да ја влошат состојбата.
Нутриционистите предупредуваат дека некои пијалоци значително придонесуваат за главоболки и чувство на згрченост:
Енергетски пијалоци
Според нутриционистката Синди Грин, енергетските пијалоци се полни со шеќери, кофеин и адитиви кои привремено ја зголемуваат енергијата. Но, енергетскиот пад што следи често предизвикува главоболка и замор поради дехидрацијата што ја предизвикуваат овие состојки.
Пиво и вино
Алкохолот, особено пивото и виното во големи количини, поттикнува губење на вода и електролити, што може да доведе до дехидрација и главоболки, објаснуваат нутриционистите.
Ако често имате главоболки, размислете за намалување на овие пијалоци и фокусирајте се на хидратација и здрава исхрана.
