Од здравствени и технички причини се одложува концертот на поп-ѕвездата Владо Јаневски на 27 декември во СЦ Јане Сандански, за напролет.
„Ве информираме дека поради вчерашна, новонастаната здравствена состојба на Владо Јаневски, после која нема 100 процентна сигурност дека ќе биде способен да го одржи закажаниот концерт на 27 декември во СЦ Јане Сандански, како и други одредени технички причини кои ги има овој проект во моментов, заедно со Владо донесовме одлука концертот да се одржи во период март – април 2025. До сега купените влезници преку ticketx.mk и karti.com.mk НЕМА ДА ВАЖАТ за концертот на пролет, а средствата од влезниците ќе ви бидат рефундирани од страна на тикетинг сервисот од кој ги имате купено вашите влезниците.
Сите оние кои имаат купено влезници од некое од продажните места на ticketx.mk и karti.com.mk. потребно е да се обратите на истите за рефундација на средствата, објави организаторот, Авалон продукција.
