Skip to main content
Македонија

Август 2026 екстремно топол и со 67 отсто помалку врнежи од просекот

21/09/2026  15:35

Август 2026 година бил екстремно топол и претежно сушен во најголем дел од државата, покажуваат мерењата и набљудувањата на метеоролошките станици во споредба со просечните вредности за периодот 1991 – 2020 година.

Највисоката максимална температура била измерена на 22 август во Гевгелија и изнесувала 41,6 степен. Најниската минимална температура била регистрирана во Берово на 16 август и изнесувала 5,7 степени.

Во текот на месецот биле регистрирани 27 тропски дена, како и долг топлотен бран, при што просечните средномесечни температурни вредности биле надминати во целата држава.

Август бил сушен во поголемиот дел од земјата. Месечната количина врнежи се движела од 0 милиметри во Скопје – Зајчев Рид до 63 милиметри во Берово.

Во одредени денови сепак имало локални бурни атмосферски појави, со поројни врнежи, град и силен, на места и оркански ветер.

Најголемото дневно количество врнежи од 44 милиметри било измерено во Берово на 24 август.