Денеска точно во 12 часот, српскиот претседател Александар Вучиќ го објави указот за распуштање на Собранието и одлуката за распишување избори и дека предвремените парламентарни избори ќе се одржат на 25 октомври.
„Ги повикувам сите учесници во изборната кампања да се обидат да најдат начин да допрат до луѓето, да ги земат предвид нивните потреби, нивните грижи, да не се грижат себеси, да се обидат да не се вклучуваат во насилство. Знам дека некои повторно ќе ги блокираат факултетите. Моето барање е да не го прават тоа. Ако го сторат тоа, го прават на своја штета и на штета на граѓаните на Србија, на другите студенти, професори, ако сакате, на сите други, но тоа не е важно. Ќе поминат тие 45 дена и граѓаните на Србија ќе имаат можност недвосмислено да ја изразат својата волја, дали сакаат и како и на кој начин ја гледаат својата иднина“, рече Вучиќ.
Тој рече дека им посакува на сите успешен демократски натпревар и дека верува оти по изборите ќе има излез „од таа криза за која сите постојано зборуваат“.
„Со задоволство ќе прифатам секој демократски резултат, мислам дека е важен за државата. Ќе им честитам на моите противници ако победат, нема да се лутам и ако не ми честитаат, навикнат сум на тоа. Им посакувам успех на сите, а ќе кажам нешто повеќе за тоа утре во 12 часот“, рече синоќа Вучиќ.
